Revmatologisk avdeling er ei spesialavdeling for pasientar med revmatiske sjukdommar. Den er den einaste av sitt slag i fylket.
Avdelinga har sengepost med seks plassar, dagavdeling to dagar i veka (seks plassar) og poliklinikk. Mesteparten av undersøking og behandling skjer poliklinisk.
Mål og visjonar for revmatologisk avdeling:
Avdelinga si målsetting er å gje pasientar med betennelsesaktige ledd- og bindevevssjukdommar eit optimalt tilbod i høve til diagnostikk, behandling og oppfølging.
Å gje pasient og pårørande opplæring om sjukdommen slik at dei aktivt kan medverke i behandlingsopplegget og leve best mogleg med sjukdommen.
Å sørgje for at avdelinga har velkvalifiserte fagpersonar, sørgje for fagutvikling og vekst i fagmiljøet gjennom internundervisning, rettleiing og kurs.
Arbeide for god samhandling mellom avdeling, primærhelseteneste og pasienten sjølv.