Sjukehuset er avhengig av at tilvisingane er fullstendige og gir korrekt og relevant informasjon for at vi skal kunne halde vurderingsfristane og prioitere rett. Bruk gjerne sjekklista under. Dette er opplysningar som må med. Elles er det utvikla (av KITH) ein nasjonal standard for innhaldet i tilvisingar. Det er meininga at han skal setjast i verk i fastlegesystema. Dei som har dette på plass, kan med fordel nytte den standardmalen.
Sjekkliste
- Pasienten sitt namn, fødselsnummer, rett adresse og telefonnummer (og eventuelt føresette)
- Legens id - nr og tydeleg namn, pluss eit direkte telefonnummer
- Kliniske undersøkingar
- Radiologiske undersøkingar (beskriving + ev. CD med bilete) - ev. cytologisvar (cellelære)
- Histologisvar (Vevslære)
- Operasjonsnotat
- Relevante journalnotat/epikrisar. (Epikrise = Skildring av årsak til ein sjukdom, utvikling og behandling.) Kort sjukehistorie, med relevante opplysningar.
- Treng pasienten tolk? Kva språk?
- Har pasienten vore i utlandet og hatt kontakt med sjukehus/lege? MRSA-prøven må takast før pasienten kjem til oss.
- Legg ved oppdatert medikamentliste
Dersom vedlegga vert sende saman med tilvisinga, vil det forkorte saksbehandlinga.
Send ikkje tilvisingane direkte til legane våre, då dei kan vere fråverande (ferie/kurs/sjukdom). Innkomne tilvisingar vil bli lagde til dei aktuelle einingane. Når legen i dei respektive einingane har vurdert tilvisinga, blir pasienten innkalla med brev eller telefon.
Tilvisingsskjema
For dei fleste tilvisingane kan ein nytte standard skjema. Enkelte avdelingar har behov for tilpassa tilvisingar, og har satt opp eigne skjema som med fordel kan nyttast.