Pasientrettar

Sjukehuset har plikt til å informere. Det vil seie at personalet som har ansvar for deg, skal gi deg nødvendig informasjon utan at du treng å be om det.

Personar som du gir opp som dine pårørande, kan få informasjon om  helsetilstanden din. Ønskjer du ikkje å gi slik informasjon, må du seie frå til lege eller avdelingssjukepleiar.

Alle tilsette ved Helse Sunnmøre har teieplikt.

Klager

Viss du finn grunn til å klage på anten den medisinske behandlinga eller måten du blir behandla på som pasient (eller pårørande), kan du kontakte avdelingssjefen eller avdelingssjukepleiaren. Dei vil gi deg informasjon om korleis du går fram.

Pasientskadeerstatning

Norsk Pasientskadeerstatning (NPE) gjer det enkelt og gratis for pasientar å fremje krav om erstatning når ein meiner det har oppstått skade som følgje av feil i behandlinga. Først og fremst gjeld dette økonomisk tap som følgje av ei fysisk skade. Det er mogleg å drøfte ei konkret sak med pasientombodet før ein eventuelt bestemmer seg for å fremje saka for NPE. Hugs at mange erstatningskrav blir forelda etter tre år.

Kontoret for pasientreiser tek imot bestilling og samordnar reisa di til og frå behandling.

På pasientreiser.no kan pasientar, pårørande og helsepersonell finne informasjon om pasientreiser. Informasjon om Kontoret for pasientreiser i Møre og Romsdal kan du finne under menyen "Ditt pasientreisekontor", eller bruke direktelenken nedst på vår side.

Nettstaden er eit samarbeid mellom dei fire helseregionane i Norge.

Pasientreiser.no

I sjølvbeteningsløysinga MinFastlege på nav.no kan innbyggjarane:

• Sjå kven som er deira fastlege
• Finne adresse og telefonnummer til lege
• Sjå kva for legar som har ledige lister
• Byte fastlege for seg og borna sine. (Dei som er busette på same adresse)
• Melde seg sjølv og/eller borna inn i eller ut av fastlegeordninga

Adresse: https://tjenester.nav.no/minfastlege/innbygger/visloginside.do

Pårørande sine rettar og plikter

Kven er pårørande? (Frå Lov om pasientrettigheter § 1-3)

I Lov om pasientrettigheter vert omgrepet "pasienten sine pårørande" definert slik: den pasienten oppgir som pårørande og nærast pårørande.

Dersom pasienten er ute av stand til å gjere greie for kven som er pårørande, skal nærast pårørande vere den som har mest varig og jamn kontakt med pasienten, likevel slik at det vert teke utgangspunkt i denne rekkjefølgja: ektefelle, registrert partnar, personar som lever i ekteskapsliknande eller partnarskapsliknande sambuarskap med pasienten, myndige born, foreldre eller andre med foreldreansvaret, myndige sysken, besteforeldre, andre familiemedlemmer som står pasienten nær, verje eller hjelpeverje.

Informasjon til pasienten sine nærast pårørande  (Lov om pasientrettigheter § 3-3)

Dersom pasienten samtykkjer til det, eller forholda tilseier det, skal pasienten sine nærast pårørande ha informasjon om pasienten sin helsetilstand og den helsehjelpa som ho/han får.

Er pasienten over 16 år og openbert ikkje kan ta i vare interessene sine på grunn av fysiske eller psykiske forstyrringar, senil demens eller psykisk utviklingshemming, har både pasienten og dei nærast pårørande rett til informasjon etter reglane i § 3-2.

Informasjon når pasienten er mindreårig  (Lov om pasientrettigheter § 3-4)

Er pasienten under 16 år, skal både pasienten og foreldra - eller andre med foreldreansvaret -  informerast. Dersom pasienten er mellom 12 og 16 år, og av grunnar som bør respekterast, ikkje ønskjer at foreldra eller andre med foreldreansvar skal få dei aktuelle opplysningane, skal dei heller ikkje få dei. Når pasienten er under 18 år, skal foreldre eller andre med foreldreansvar likevel få den informasjonen som er nødvendig for å kunne oppfylle foreldreansvaret.   

Opplysingar om andre pasientar

Som pårørande vil du kanskje bli kjend med eller få kjennskap til andre pasientar enn den du er pårørande til. Det er god skikk og bruk at ein ikkje bringar vidare opplysningar om pasientar, - korkje til familie, venner eller andre pasientar.

Sjå også Lov om pasientrettar

Til toppen