Vi gir behandlingstilbod utover basisfunksjonane for akuttsjukehus, og har ein del fylkesdekkjande avdelingar/einingar som revmatologisk avdeling, avdeling for fysikalsk medisin og rehabilitering, neonataleining og dialyseeiningar. Innan psykisk helsevern for barn og unge har Ålesund sjukehus ei fylkesdekkjande ungdomsavdeling.
For informasjon om diagnosar, undersøkingar og behandlingar, kan du gå rett til seksjon, sengepost eller poliklinikk. Overordna informasjon om avdelingane dei tilhøyrer kan du lese under fliken avdelingar. Sjølv om enkelte diagnosar ikkje blir behandla på våre sjukehus, men i kommunehelsetenesta eller ved universitetssjukehus kan likevel diagnosen ofte stillast ved sjukehusa i Helse Sunnmøre, og deler av behandlinga kan skje her.