Ved Klinikk for laboratoriefag blir det utført analyser/undersøkingar innan fagområda medisinsk biokjemi, medisinsk mikrobiologi, blodbank/immunologi og nukleærmedisin. Blodbanken utfører svangerskapsimmunologi og medisinsk mikrobiologi utfører infeksjonsscrenning på gravide i heile Møre og Romsdal.
Ved Klinikk for laboratoriefag er vi opptekne av kvalitet i alle ledd, og vi gjer vårt ytterste for å vere ein god og påliteleg samarbeidspartnar for brukarane våre. Vi arbeider aktivt med å forbetre kvalitetssystemet vårt, halde personalet fagleg oppdatert og for å ha ein moderne utstyrspark. Vi gir ut "Bio-posten" nokre gonger i året. Der tar vi opp aktuelle faglege problemstillingar. Vi sender dessutan alltid ut rundskriv til rekvirentane når vi gjer viktige endringar, til dømes endring av analysemetode, referanseområde eller ved endringar i analyserepertoaret.
85 % av analysevolumet ved Laboratorium for medisinsk biokjemi, Ålesund, er akkreditert etter standarden NS-EN ISO/IEC 17025. Denne standarden stiller spesifikke krav til mellom anna laboratoriet si leiing, øvrige personale, opplæring, internrevisjon, utstyr, prosedyrer, arkivering, tilgjengelegheit og anna. Vi arbeider for å utvide akkrediteringsomfanget til å omfatte all aktivitet i avdelinga.
Opningstider for poliklinisk blodprøvetaking:
| Laboratoriet i Ålesund: |
Måndag til fredag kl. 07.45 - 15.00 |
| Laboratoriet i Volda: |
Måndag til fredag kl. 08.00 - 15.00 |