Kvinneklinikken er inndelt i seksjon for gynekologi og seksjon for fødselshjelp, med behandlingseiningar ved Volda sjukehus og Ålesund sjukehus. Etter gjeldande retningslinjer vert gynekologiske pasientar, gravide og fødande selektert til Ålesund eller Volda sjukehus.
Årleg gir kvinneklinikken eit tilbod til ca. 1900 fødande. Både Volda og Ålesund har status som Mor-Barn vennlege sjukehus.
Vidare har vi eit breidt tilbod innan utgreiing og behandling av kvinnesjukdommar generelt. Kreftpasientar får behandling og oppfølging i samråd med St.Olavs Hospital
Medisinsk informasjon som ligg på nettsida innan dei ulike fagfelta er under kontinuerlig utarbeiding og vil ikkje til ei kvar tid vere fullstendige.
Ålesund sjukehus
Avdelingane i Ålesund er lokalsjukehus for Ålesund og kommunane på nordre og indre delar av Sunnmøre. Fødeavdelinga i Ålesund har sentralfunksjon for Møre og Romsdal fylke når det gjeld premature fødslar. Ved risiko for fødselstart, eller behov for forløysing før svangerskapsveke 35, vert kvinner overflytta til Ålesund sjukehus. Sjukehuset har eiga neonatal avdeling som gjer oss i stand til å ta imot alle for tidleg fødde.
Tilsaman, ved seksjonane for gynekologi og fødselshjelp -Ålesund sjukehus, arbeider ca. 120 ansatte. I tillegg kjem studentar og turnuslegar.
Volda sjukehus
Avdelinga i Volda er lokalsjukehus for kommunane på søre sunnmøre, og har ca. 30 ansatte. I tillegg kjem jordmorstudentar.
Tilbake til kortversjon