Det er svært viktig at diabetes (sukkersjuke) i svangerskapet vert behandla og regulert godt for å unngå komplikasjonar både hos mor og fosteret. Kvinner med diabetes, og ønske om graviditet, vert sterkt oppfordra til å regulere diabetessjukdommen godt før dei vert gravide (Lave HbA1C-verdiar).
I tillegg til tett oppfølging frå poliklinikken må kvinna sjøv ta ansvar for at diabetessjukdommen vert godt regulert gjennom svangerskapet. Det inneber riktig medisinering, unngå overvekt og stress. Kosthald og fysisk aktivitet vil stå sentralt. Det er ekstra viktig å ta vare på seg sjøv under svangerskapet.
Ved poliklinikken vil du, etter individuell vurdering, få råd og veiledning når det gjeld:
- Kosthald
- Fysisk aktivitet
- Insulinbehandling og blodsukkerkontroll
Som gravid kjem du til regelmessig kontroll ved poliklinikken gjennom heile svangerskapet. Her vert mellom anna blodsukker, urin og blodtrykk kontrollert. Utviklinga til fosteret vert fulgt med ultralyd og CTG (fosterlydregistrering) siste delen av svangerskapet. Heime må kvinna sjøv kontrollere blodsukkeret.
Svangerskapspoliklinikken samarbeider tett med indremedisinar, augeleg, diabetessjukepleiar og ernæringsfysiolog.
Gravide med insulinkrevjande diabetes tilhøyrande Møre og Romsdal fylke føder i regelen ved Ålesund sjukehus som har eiga barneavdeling med ansvar for oppfølging av desse barna.
Les meir i Pasienthåndboka.no