Gynekologisk avdeling består av eit team av sjukepleierar, hjelpepleierar og legar som tek hand om og gir behandling til kvinner med ulike gynekologiske sjukdommar. Vi utfører planlagte operasjonar og har eit breidt behandlingstilbod. Vi tar og imot pasientar som treng akutthjelp.
Kreftpasientar vert behandla i samråd med St.Olavs Hospital. Nokre pasientar får delar av behandlinga der. Dei viktigaste behandlingsformane er operasjon, strålebehandling og cellegift. Vi har og eit tett samarbeid med stråleeininga ved Ålesund sjukehus
Gynekologisk sengepost er felles avdeling med Gynekologisk poliklinikk, Ortopeden 2 og Augeavdelinga. Fellesposten har tilsaman 14 heildøgnsplassar, derav 6 sengar til gynekologiske pasientar, 1 seng til augepasientar og 7 sengar til ortopediske pasientar. I tillegg har vi 4 sengeplassar til gynekologisk dagkirurgi.
Fellesrom i avdelinga
- TV/Daglegstove
- Samtalerom
- Dusj
 |
 |
| Daglegstova ved avdelinga |
Utsikt frå daglegstova |
Tilvisingsrutiner
Pasientane vert tilvist Gynekologisk avdeling via fastlege eller spesialist. Hastegrad for svar på tilvisinga vert avgjort av lege ved Kvinneklinikken. Avdelinga tek imot pasientar til planlagt (elektiv) kirurgi og akutt behandling etter tilvising frå lege. Før planlagte operasjonar får pasienten snakke med sjukepleiar, lege og anestesipersonell. Type operasjon og forløp etter operasjonen er grunnlaget for liggetid i avdelinga.
Dei mest vanlege problemstillingane i avdelinga
- Behandling av kreftsjukdom i ulike fasar, frå utgreiing til kirurgisk inngrep og koordinering av cellegiftbehandling og/eller strålebehandling. Pasientar vert også innlagt i avdelinga ved tilbakefall av sjukdommen og ved behov for lindrande behandling.
- Ulike komplikasjonar dei første 24 vekene av svangerskapet. Til dømes svangerskapskvalme, spontan abort, truande abort, provosert abort og komplikasjonar i samband med assistert befruktning.
- Ulike komplikasjonar etter fødsel
- Utgreiing og behandling av blødningsforstyrringar
- Underlivsinfeksjonar
- Underlivssmerter
- Operasjon grunna urinlekkasje
- Operasjon grunna skjedeframfall og nedsunken livmor
- Utgreiing av behandling av svulstar i bekkenet
Vi gir i tillegg tilbod om ulike typar dagbehandling - sjå Gynekologisk dagkirurgi
Andre vi har tett samarbeid med
Tilbod om overnatting
Det er mogleg for pårørande å bestille rom ved Åse hotell som ligg rett ved sjukehuset. I spesielle tilfelle kan det settast inn ekstra seng hos den sjuke i avdelinga.
Treng du meir informasjon anbefalar vi desse eksterne nettsidene
Amathea
Kreftforeningen
Montebello-senteret (landsdekkende rehabiliteringssenter)
Nettside for kvinner med underlivskreft
Tilbake til kortversjon