Kontaktinformasjon
Telefon: 70 16 75 50
Telefaks: 70 16 75 87
Opningstid: 0800-1530 (onsdag til 1700)
Lokalisering/parkering
Barnepoliklinikken og dagbehandlinga i Ålesund held til i U-etasjen i Barne- og ungdomsavdelinga. Hovudinngangen er på sørsida av bygget, men de kan også nytte gangbrua som går frå 1. etasjen i hovedhuset.
Poliklinikken i Volda er samlokalisert med medisinsk poliklinikk, 1. etasje, Volda sjukehus.
De må betale avgift for å parkere ved Ålesund sjukehus. Sjå skiltinga.
Lokale/fasilitetar
I inngangspartiet til Barne- og ungdomsavdelinga finn du ekspedisjonen med venterom. Der er det litt leiker, og det er mogleg å varme mat til borna. I tillegg kan de få kjøpe kaffi og te. På toalettet er det stellebord i tilknyting til ventearealet
I lokala til Barnepolikinikken finn du legekontor og undersøkingsrom. På dagbehandlingsromet er det to sengeplassar, og der er det mogleg å sjå TV eller bruke internett etc.
Dersom barnet og pårørende oppheld seg på dagbehandlinga i over 4 timar, serverer vi ein lett lunsj til barnet og ein av dei pårørande om lag kl. 1130.
Kantine/sal av mat
De kan kjøpe mat og drikke i huvudbygningen. Kaféteriaen i hovudvestibylen er open 0900-1930, kafèen ved poliklinikkgangen 0900-1500. I tillegg er personalkantina open 0800-1100 og 1300-1500 for pårørande og pasientar.
Undersøkingar ved poliklinikken og dagbehandlinga
På undersøkingsroma utfører vi ulike testar som til dømes lungefunksjonsmåling (spirometri), allergitesting (prikktest), aktivitetstesting med tredemølle, EKG, sveittetest og H2-pusteprøve (måler H2-gass i utandingslufta for å kartleggje bl.a. fruktosemalabsorpsjon og laktoseintoleranse). Sjå elles eige avsnitt om undersøkingar dersom de vil ha meir informasjon.
På dagbehandlingsromet foregår infusjonar/transfusjonar samt sedering før undersøkingar som pH-måling, røntgen, ultralyd og andre prosedyrar som krev berre kortvarig innlegging.
Born som kjem til poliklinikken og dagbehandlinga, vert vegne og målte. Hugs å ta med helsekort til born under 6 år.
Innkalling/frammøte
Brev med innkalling vert sendt heim med barnet som adressat. Der står tid og stad for oppmøte. Ver vennleg og møt i tide. Dersom det er planlagt undersøking før legekontrollen, står dette spesifisert i innkallinga. I tillegg kan det også liggje ved informasjon om undersøkinga.
Blodprøvetaking
På Ålesund sjukehus tek vi blodprøver av born på laboratorie i U-etasjen på Barne- og ungdomsavdelinga. Ho er for tida open 0800-1000 og 1200-1400. Utanom desse tidene vert laboratoriet i 1 etasjen i hovudbygningen nytta.
På Volda sjukehus: 1. etasje.
Trygderettar og betaling
Før heimreise vert besøket registrert, og de får eit reisebevis. Dette kan de nytte for å få refusjon av reisekostnadene.
Born over 16 år betaler eigendel, sjå Nav.no.
De kan betale på kortterminal i ekspedisjonen i U-etasjen, eller de får utlevert ein giro.
Dersom barnet har frikort, må de hugse å ta det med.
For meir informasjon om kva de har rett på når born under 18 år er sjuke, skadde eller funksjonshemma, sjå her.
Opplæringstiltak
Vi har dyktige sjukepleiarar med ulike spesialfelt. Fleire dagar årleg arrangerer vi kurs om eksem, astma og allergi. Dette er eit tilbod til foreldre/pårørande og tilsette i skule og barnehage. Dei som ønskjer å delta, vert sette på venteliste og innkalla etter kvart. Vi skipar også til gruppeundervisning/samlingar for andre pasientgrupper som diabetikarar, born med cøliaki, hjartesjuke, eks-premature og born og ungdom med cystisk fibrose.