Habiliteringstenesta ved Ålesund sjukehus har sidan 2004 vore samla som eigen seksjon underlagt Barneavdelinga. Tenesta er organisert i to sjølvstendige team, eit for barn og eit for vaksne.
Habiliteringstenesta held til i ei av sjukehusblokkene, Åsebøen 11, Nordaust for sjukehuset. Det er sett opp skilting ved busslomme på sjukehuset og på oppsida av Spar-butikken.
Barneteamet har ekspedisjon i 3. etasje, telefon 70106443.
Vaksenteamet har ekspedisjon i 5. etasje, telefon 70106136.
Det er tilgjengeleg gratis gjesteparkering ved Åsebøen 11, ellers kan ein bruke sjukehuset sin parkeringsplass mot betaling. Vi gjer merksam på at ved parkering på andre plassar kan ein få parkeringsbot.
Ansvarsområde for habiliteringstenesta Ålesund sjukehus er personar med medfødd og/eller tidlig erverva funksjonshemming/langvarig sjukdom, som har behov for tverrfaglege habiliteringstenester på spesialistnivå, og vaksne med medfødd og/ eller tidlig erverva funksjonshemming/langvarig kognitiv svikt, som har behov for tverrfaglege habiliteringstenester på spesialistnivå.
Vi ynskjer å gje eit spesialisert habiliteringstilbod med heilheitleg diagnostiserings- og utgreiingsarbeid, inkludert polikliniske og ambulante tenester og vi skal gjennom samarbeid med kommunale instansar drive systemretta arbeid for kompetanseheving og tilrettelegging av tilbod der brukaren får sitt omsorgs-, opplærings- og behandlingstilbod.