Augesengepost - Ålesund

Lokalisering

Augeavdelinga ligg i 9. etasje, og er felles sengepost med Gynekologisk avdeling og Ortopeden 2.

Dette bør du ha med deg:

Tannbørste, tøfler og eit klesbyte.

Bruker du medisin, er det fint om du tek med ei liste over dei medikamenta du nyttar.

Telefon

Alle sengene har eigen telefon ved nattbordet. Du kan ringje ved å nytte telekort. Det får du kjøpe i kiosken. Gjer vel og informer dine næraste om telefonnummeret.

Pasienttelefonane er stengde for inngåande samtalar mellom kl. 12.30 og 14.30 (kviletid), og mellom kl. 21.00 og 07.30.

Visittid for besøkjande

Frå kl. 14.00 til 15.00 og kl. 18.30 til 19.30.
Besøk utanom desse tidene må du avtale med personalet.

Måltid

Frukost:  kl. 08.00 - 08.30
Lunsj:     kl. 12.00
Middag:  kl. 16.00
Kvelds:   kl. 19.30

Elles er det saft, vatn, isbitar, kaffi og te nedst i korridoren mot pasientstova.  Dette kan du som pasient forsyne deg av slik du sjølv ønskjer.

Andre tilbod ved sjukehuset

Kiosk/kaféteria i hovudvestibylen

Måndag - fredag:      09.00 - 19.30
Laurdag:                  10.00 - 18.00
Søndag:                   12.00 - 19.30

Der kan du kjøpe kort og frimerke. Postkassa finn du ved inngangen til vestibylen. Ho vert tømd kvar dag kl. 16.00.

Apotek

På nordsida av sjukehuset i 1. etasje.

Måndag - fredag:        10.00 - 16.00
Laurdag:                    09.00 - 13.00

Pasientbibliotek

Bibliotek finn du i underetasjen
Ope måndag - fredag:    08.00 - 15.30

Parkering

Parkering rundt sjukehuset er delt inn i soner. Du må betale parkeringsavgift.

Bank

Det er minibank i hovudvestibylen. Ein kan også betale med bankkort i kiosk, kantine og apotek.

Kantine

Pårørande kan kjøpe seg middag og smørbrød i kantina i 1. etasje.

Open måndag - fredag kl. 08.00 - 15.30.
Frå 11.00 til 13.00 er kantina berre for dei tilsette.

Blomar

Pasientane må gjerne ta mot blomar, men personalet har dessverre ikkje tid til å stelle dei. Det må du eller pårørande gjere. Blomstervase finn du ved pasientstova.

Permisjonar

Dersom du forlet avdelinga, må du på førehand avtale det med pleiepersonalet. Dersom du ønskjer det, og dersom behandlande lege tillet det, kan du få permisjonar over kortare tidsrom. Transportutgifter under permisjonar må du dekkje sjølv.

Prest

Dersom du ønskjer kontakt med sjukehuspresten for samtale, formidlar pleiepersonalet dette. I Søndagsbrevet, som vert delt ut saman med frukosten kvar søndag, finn du meir informasjon.

Verdisaker

Sjukehuset har ikkje ansvar for pengar og verdisaker du har med. Vi oppfordrer deg derfor til ikkje å ha pengar eller andre verdisaker i vesker eller nattbordet.

Røyking

Sjukekehuset skal vere røykfritt. Det er derfor ikke tillate å røykje inne. Det er heller ikkje lov å nyte eller oppbevare alkohol eller andre rusmiddel medan du er på sjukehuset.

Nokre pasientar har augeliding(-ar) som krev innlegging på avdelinga sin sengepost. Dette gjeld for det meste augelidingar som krev hyppig observasjon/behandling, større operasjonar eller visse former for utgreiing.

Nokre av dei vanlesgast diagnosene er:

Augekomplikasjonar ved diabetes

Augeskade med og utan perforasjon

Ektropion

Entropion

Etseskade på auget

Framand legeme på auget

Grøn stær ( Glaukom)

Grå stær ( Katarakt)

UlikeInfeksjonar

Netthinne avløysing

Pterygium

Skjeling

Sti ( cahalazion) ved auget

Tårevei og kjertelsjukdom

Dei aller fleste undersøkingar av auget på pasientar som ligg hos oss, vert gjorde på poliklinikken. Når det er behov for det, følgjer personalet deg som pasient til poliklinikken i 6. etasje, og til legevisitten.

På sengeposten gjer vi meir generelle undersøkingar som kontroll av blodtrykk, puls, blodsukker og observasjon. 

Når det er behov for spesielle underøkingar, vert du vist til andre avdelingar på sjukehuset, eller eventuelt til andre sjukehus.

Du kan finne generell informasjon om behandling på desse nettstadene:

Pasienthåndboka

I Pasienthåndboka på nett kan du skaffe deg generell kunnskap om sjukdom, symptom og behandling. Pasienthåndboka er ei publikumsutgåve av Norsk Elektronisk Legehåndbok (NEL), og er den største helsenettstaden i Norge.  Ho inneheld over 3500 artiklar og meir enn 1000 illustrasjonar/bilete/videoar. 

Eit fagnettverk på om lag 200 personar og ein redaksjonskomité kvalitetssikrar innhaldet både i NEL og i Pasienthåndboka.

www.pasienthandboka.no

SMIL - Skandinavisk Medisinsk Informasjon for Legfolk

SMIL er ein nettportal som inneheld ei samling kvalitetssikra nettstader med informasjon om sjukdommar, og korleis dei vert behandla. Portalen er eit nordisk samarbeidsprosjekt, og alle nettsidene er tilgjengelege på norsk, svensk og dansk.

SMIL er til for pasientar, pårørande og andre interesserte.

www.smil.uio.no

Rarelink

Rarelink er ein nordisk nettstad. Han inneheld ei samling av lenkjer til informasjonsmateriell om sjeldne tilstandar, og som har blitt publisert av verksemder på statleg oppdrag i Norge, Sverige og Danmark. Du kan også finne lenkjer til organisasjonar for funksjonshemma i dei same tre landa.

Rarelink vender seg til alle som søkjer informasjon, for eksempel personar med ein sjeldan diagnose, pårørande og fagpersonar som møter eller arbeider med personar med sjeldne tilstander.

www.rarelink.no