Denne undersøkinga vert oftast teken som ein del av legeundersøkinga.
For å sjå om du har svekt syn, kan vi teste visus. Til det bruker vi ei synstavle (t.d. Snellens tavle), fingerteljing eller lyssans, avhengig av kor svekt synet er. Visus vert uttrykt med avstanden i meter du sit frå tavla, delt med talet på meter ein person med normalt syn greier å lese det same som du.
Døme: Du greier å lese ned til 2. linje på 6 meters avstand. Ein person med normalt syn klarer dette på 60 meters avstand. Din visus er då 6/60 = 1/10 eller 0,1. Visus vert då utgangspunktet for behandlinga.