Avdelinga ligg i 1.etasje og dei fleste pasientar skal innom her. Alle som skal innleggast, enten planlagt eller som øyeblikkeleg hjelp, kjem hit og blir teke imot av sjukepleiar og skriven inn på gyn., kirurgisk eller medisinsk avdeling.
Turnuslegen samtalar med og undersøkjer kvar pasient (journalopptak). Det vert bestilt blodprøver og teke nødvendige undersøkjingar for å kunne sette rett diagnose og iverksette rett behandling.
Ved større og alvorlege skader er det også i mottak at pasientar blir teke imot av traumeteamet.
I tillegg til innleggingar har mottak også ansvar for å ta vare på pasientar som har vore til dagkirurgisk behandling.
Sjukepleiarane i mottak bemannar også legevaktsentralen ved Volda sjukehus, som har ansvar for legevaktkommunikasjonen for alle kommunane på Søre Sunnmøre. I tillegg har dei ansvar for varsling av sjukehuset sitt eige innsatspersonell ved akutte situasjonar.
113 funksjonen er no flytta til AMK ved Ålesund sjukehus, men dei to AMK sentralane samarbeidar tett om å skaffe pasientane rask og rett hjelp