Medisinsk teknisk seksjon (MTS) har ansvaret for det medisinsk-tekniske utstyret i Helse Sunnmøre.
MTS er organisatorisk plassert i Serviceavdelinga med Svein Jensen som avdelingssjef.
MTS har for tida 12 tilsette, 9 i Ålesund og 3 i Volda, og vi forvaltar den medisinsk tekniske utstyrsparken til ein verdi av over 300 millionar kroner og 4000 einingar.
Vår hovudoppgåve er å sørgje for at det medisinsk tekniske utstyret er sikkert og påliteleg i bruk både for pasient og brukar, og at det fungerer slik det er tiltenkt til ei kvar tid.
Dette gjer vi ved å utføre planlagt vedlikehald, kontrollar, akuttreparasjonar, opplæring m.m.
Andre oppgåver for MTS er deltaking i ulike arbeidsgrupper og utval både i Helse-Sunnmøre og i regional regi.
Eksempel på dette er ulike prosjektgrupper, arbeidsgrupper i samband med innkjøp av medisinsk teknisk utstyr, kvalitetsutval, og andre samarbeidsutval.