Mål: Kunne bruke uteområda som ressurs ved rehabilitering av pasientar.
Grunngjeving: Mange av dei som arbeider på Mork har erfart at uteaktivitet og friluftsliv verkar positivt på pasienten si meistring av den situasjonen han er i. Samanhengen mellom fysisk aktivitet og helse er godt dokumentert. (Handlingsplan for fysisk aktivitet 2005 – 2009). Det verkar førebyggande mot utvikling av ei rekke sjukdomar i tillegg til at det er ei kjelde til glede, livsutfoldelse og positiv meistringsoppleving (ibid). Forsking viser at fysisk aktivitet stimulerer kroppen sin eigen produksjon av antidepressiva. Dette er positivt for mange av pasientane som er på Mork, der over 50% har hatt hjerneslag. Mange med hjerneslag blir deprimerte og har behov for antidepressiva for å kome seg slik at dei orkar å stå på i ei rehabiliteringsfase.
Metode: Internvensjon: Opplæring og motivering av ansatte til å bruke friluftsliv i rehabiliteringa. Fysisk tilrettelegging av området. Kvalitativ metode: Intervju med pasientar for å dokumentere nytte og opplevelse av bruk av friluftsliv. Observasjon ved bruk av aktuelle aktivitetar.
Tidsramme: Opplæring og motivasjon av tilsette i november 2008, Intervju og observasjon av pasientar, seinvinter, vår og sommar 2009. Planlegging og finansiering av uteområde: 2009. Skriving av masteroppgåve: sommar og haust 2009.
Planlagt publisering: Mastergradsoppgåve
Prosjektleiar: Spesialsjukepleiar Dagrun Opsal Marøy, Mork rehabiliteringssenter, Volda. dagrun.opsal.maroy@helse-sunnmore.no
Tildelt stønad: Inntil kr 43 000 til opplæringsdelen.