Helse Sunnmøre kan vise til eit overskot i 2010.
Pressemelding
22. mars 2011
Helseføretaket på Sunnmøre har lagt bak seg eit økonomisk krevjande år, men vi kan likevel vise til at den økonomiske situasjonen vore stabilt god gjennom fjoråret og Helse Sunnmøre kan vise til eit overskot på 10,2mill. kr i 2010.
Helseføretaket har vidareført og gjennomført fleire tiltak som har ein investeringsmessig karakter, mellom anna arbeidet med ny barneavdeling. I løpet av fjoråret aktiverte vi 166 mill. kr. Helse Midt-Norge har gitt oss løyve til å behalde 5,1 mill. kr av fjorårets overskot til vidare investeringar. .
Aktiviteten på sjukehusa har og vore god, og Helse Sunnmøre har hatt ein aukande aktivitet samanlikna med tidlegare år.
-2010 har vore eit godt driftsår og Helse Sunnmøre har arbeidt breitt og godt, både i høve økonomi og tilbod til pasientar, sa styreleiar Marthe Styve Holte som og la til at ho har trur på helseføretaket og er ein god arbeidsplass.
Styret gav uttrykk for at Helse Sunnmøre har balansert godt den krevjande prosessen det har vore å utarbeide vår eigen Strategi 2015 samtidig med at denne strategiprosessen har gått parallelt med vår regionale Strategi 2020. Både leiinga og styret i Helse Sunnmøre har tru på at prosessen med utarbeiding og vidare framtidig implementering av strategiane framleis vil skape engasjement og motivasjon i organisasjonen.
For ytterlegare informasjon:
Styreleiar Marthe Styve Holte, mobil 92264925
Adm. direktør Astrid J. Eidsvik, mobil 91772495
Komm.sjef Solveig Moe Frøland, mobil 92208089