Styret i Helse Sunnmøre diskutere i dag Årleg melding for 2009.
Pressemelding
26. januar 2010
Helseføretaket på Sunnmøre kan gjennom Årleg melding vise til mange positive resultat men og uløyste utfordringar.
Helse Sunnmøre oppnådde følgjande positive resultat i 2009:
• Ambulant team innan psykisk helse for barn og unge er etablert
• Vi har fått ni pasientforløp i drift og seks er under oppstart eller under utvikling
• MR-tilbod er etablert ved Volda sjukehus
• Bygging av barneavdelinga har starta opp
• Samhandlingsavtalen med kommunane er vedteken
• Vi har fått på plass ein ny organisasjonsmodell for Helse Sunnmøre
• Arbeidsmiljøprosjekt m.a. for gravide har gitt positive resultat
• Omstilling med redusert sengetal
• Utvendig vedlikehald av Ålesund sjukehus
I følgje adm. direktør Astrid J. Eidsvik har sjukehusa på Sunnmøre vore dyktige til å dreie verksemda frå døgn- til dagopphold og auka den polikliniske aktiviteten. Dette harmonerar med LEON prinsippet – pasientane skal behandlast på beste lågaste omsorgsnivå.
Samtidig står vi ovanfor uløyste utfordringar:
Førebels rekneskap viser at Helse Sunnmøre for første gong går med overskot. Vi har likevel ikkje nådd resultatmålet sett av Helse Midt –Norge som sette krav om eit høgare overskot enn det vi har klart. Aktiviteten i 2009 var høgare enn i 2008, men her nådde vi heller ikkje målet som var sett. Avvika kom spesielt i dei siste månadene av året. Dette gjorde det krevjande å få til gode nok omstillingsprosessar.
Helseføretaket har eit forbetringsarbeid med omsyn til å nå dei ulike kvalitetsmåla.
Aktivitetsmåla samsvarar heller ikkje med dei måla leiinga og styret har sett for 2009 til tross for at vi hadde høgre aktivitet i 2009 enn i 2008.
HSM står og ovanfor utfordringar vedkomande forbetrings- og endringsarbeid, mellom anna ei vidare utvikling av våre ambulante tenester. Det må presiserast at vi også har gode eksempel på iverksette tiltak på dette området.
For ytterlegare informasjon:
Styreleiar Marthe Styve Holte, mobil 92264925
Adm. direktør Astrid J. Eidsvik, mobil 91772495
Komm.sjef Solveig Moe Frøland, mobil 92208089