Fredag 10. desember skal John Olav Roaldset disputere i auditoriet ved Ålesund sjukehus. Avhandlinga hans heiter ”Risk assessment of violent, suicidal and self-injurious behaviour in acute psychiatry – a bio-psycho-social approach”.
Arbeidet hans har utgangspunkt i "Risikoprosjektet" ved Psykiatrisk avdeling i Ålesund. Prosjektet hadde to siktemål: å undersøke ulike metodar for vurdering av vald, fare for sjølvmord og sjølvskade, og det å kunne identifisere pasientar som treng vidare oppfølging så tidleg som mogleg. Roaldset har kombinert måling av serotonin og lipidar i blodet til pasientane, med risikovurdering som pasientane sjølve har gjort, og eit strukturert screeninginstrument for valdsrisiko. Pasientane blei vurderte ved innlegging og utskriving, og sjølvmordsfare, sjølvskading og vald blei deretter registrert under opphald 3 månader og 12 månader etter første innlegging. I arbeidet sitt har Roaldset gjort funn som kan føre til at ein kanskje kan få betre metodar til å vurdere vald, sjølvmordsfare og fare for sjølvskading hos pasientar.
Roaldset skal ha prøveførelesing med emnet "Voldens mange ansikter - psykiske og somatiske manifestasjoner i allmennnmedisin" kl 10:15 på fredag 10. desember. Sjølve disputasen tek til kl 12:15, båe deler er i auditoriet på Ålesund sjukehus. Vi vonar at mange tilsette og andre interesserte vil kome og vere med på både prøveforelesing og disputas. Det er viktig at folk møter i god tid, slik at seremoniane ikkje blir forstyrra.
Professor emeritus K. Gunnar Gøtestam og professor Are Holen frå NTNU har vore hovudveiledarr for kandidaten. Professos Ståle Bjørkly frå Høgskolen i Molde, og professor Petter Laake ved Universitetet i Oslo har vore biveiledarar.
Dr Ulrika Haggård frå Karolinska Institutet og førsteamanuensis Ketil J Ødegård frå Universitetet i Bergen skal vere første- og andre opponent under disputasen. Førsteamanuensis Arne E Vaaler frå NTNU er administrator for bedømmelseskomiteen. Førsteamanuensis Torstein Hole vil leie disputasen.