Barneavdelinga under tak

Både arbeidarar ved bygget, rådgivarar, prosjektleiing, tilsette i barneavdelinga samt  leiinga og styret i Helse Sunnmøre tok del i tilstellinga denne aprildagen.  

-Eg har lært at vi skal feire det vi kan, og det er all grunn til å feire at vi har nådd denne milepælen sa adm. direktør Astrid J. Eidsvik når ho ynskte velkomen til arrangementet. Eidsvik takka alle frammøtte arbeidarar for velgjort arbeid så langt.

-Det er godt vi er under tak, sa styreleiar Marthe Styve Holte. I følgje Holte skal alle viktige prosjekt ha sine milepælar. –Det har vore mange tøffe tak men vi har grunn til å rette ryggen og kjenne på at dette blir bra, hevda styreleiaren som aldri gav opp håpet om ny barneavdeling i Ålesund. Holte nytta og høve til å rose dei tilsette på barneavdelinga som har vist tolmod og vilje parallelt med at dei har haldt eit fagleg høgt nivå på tenestene. Marthe Styve Holte oppsummerte prosessen frå planleggingsfasa, til prosjektering og byggestart. -Dyktige fagfolk i Helsebygg har gjort ein god jobb – dei har fått vedtak ut av hendene, og i dag skal vi glede oss og hente inspirasjon til fortsettinga, sa ein smilande styreleiar.

Gjestane fekk servert rikeleg med baccalao og fekk omvising i eit særdeles strøkent bygg. 

Og glede var det vist under tilstellinga. Til venstre styrerepresentant Kaspara
Tørlen, seksjonsleiarar ved barneavdelinga; Irene Takvam og Karin Sørland.
Bak styremedlem Jarle Rovde.



Sjefen sjølv. Avd.sjef for barneavdelinga,
Ove Økland er ein sentral og aktiv med-
spelar i prosjekt Ny barneavdeling. Økland
gleda seg stort over dagens markering.

Tekst: Komm.sjef Solveig Moe Frøland
Foto: Inf.konsulent Carina Giskegjerde