For å førebygge smitte av Influensa A H1N1 (svineinfluensa) vert det frå og med 30.10.2009 innført restriksjonar for besøkande ved Kvinneklinikken.
Gravide og nyfødde barn er meir utsette for komplikasjonar ved Influensa A H1N1 (svineinfluensa). For å redusere risikoen for smitte, har Kvinneklinikken sett iverk ulike tiltak for handtering av pasientar og pårørande – ved sjukehusa både i Ålesund og Volda. Tiltaka blir vurderte fortløpande med omsyn til tilgjengeleg informasjon om smitte- og vaksinasjonsstatus i befolkninga.
Kvinneklinikken følgjer retningslinjene for besøksrestriksjonar som alt er innført ved andre sjukehus, mellom anna Oslo universitetssjukehus (Rikshospitalet og Ullevål), Haukeland universitetssjukehus og Sykehuset Innlandet.
Gjeldande restriksjonar på besøk ved Kvinneklinikken, Volda sjukehus:
• Føde-/barsel-/gyn.avdelinga: kun ektefelle/partner eller ein annan følgjeperson
Gjeldande restriksjonar på besøk ved Kvinneklinikken, Ålesund sjukehus:
• Føde-barselavdelinga, inkludert observasjonseining for gravide: kun ektefelle/partner eller ein annan følgjeperson
• Barselhotellet: kun ektefelle/partner eller ein annan følgjeperson
Vi ber alle, pasientar og besøkande, om å bruke handdesinfisering før ein kjem inn i avdelingane.
Besøkande med symptom på influensa kan ikkje komme inn i avdelingane.
Andre tiltak for handtering av pasientar med mogleg eller sikker smitte av Influensa A H1N1 (svineinfluensa):
• Gravide som er utsett for mogleg smitte, som har symptom eller som har fått bekrefta å ha svineinfluensa, skal kontakte fastlege eller legevakt
• Kvinner i fødsel, med symptom eller bekrefta sjukdom, vert tatt i mot i vår klinikk på vanleg måte med smitteførebyggjande tiltak
• Vaksinering: Folkehelseinstituttet tilrår vaksinasjon av alle. Gravide er ei høgrisikogruppe, og vaksinering er tilrådd frå veke 12 og fram til fødsel. Vaksinasjon er også tilrådd før veke 12 til gravide med tilleggsrisiko. Vaksinasjon vert gjort av fastlege, helsestasjon eller eige vaksinasjonskontor i den kommunen ein tilhøyrer.
For meir informasjon sjå nettsida http://pandemi.no/
28. oktober 2009
Leiinga ved Kvinneklinikken