Den pågåande massevaksineringa er basert på ei vaksine som er produsert på eit eggmedium. Dette kan føre til at vaksinen utløyser allergiske reaksjonar hos personar med alvorleg allergi mot egg.
Folkehelseinstituttet har no skaffa ei avgrensa mengde vaksine som ikkje er produsert på eggmedium og helseføretaka har fått i oppdrag å gjennomføre vaksineringa.
Personar som har kjent eggallergi, og som har hatt alvorleg reaksjon på egg, kan ta kontakt med fastlege, som etter ei fagleg vurdering sender tilvising til helseføretaket. Sjukehuset i Ålesund eller Volda vil så ta kontakt for å avtale tid og stad for vaksinering.