Helse Sunnmøre følgjer nøye utviklinga av influensa A (H1N1) (svineinfluensa). Pandemien kan få innverknad på planlagt aktivitet ved våre sjukehus, og dette kan medføre at avtalen din med Helse Sunnmøre blir utsett.
Dersom dette blir aktuelt, vil du få beskjed frå den avdelinga du har avtale med i så god tid som råd er.
Svineinfluensa
Bakgrunnen er at norske helsemyndigheiter går ut i frå at det blir ei auke av tal influensatilfelle i tida framover. Slår dette til, betyr det at landets sjukehus må kunne ta i mot dei som blir akutt og alvorleg sjuke av svineinfluensa.
Kontakt
Om du har spørsmål omkring timeavtalen din, ber vi om at du tar kontakt med aktuell avdeling. Det same gjeld om du sjølv har influensasymptom når du har time hjå oss.
Kontaktinformasjon finn du i brevet frå sjukehuset.
Du finn informasjon om pandemi på webadressa www.pandemi.no