NHI.no
På NHI.no kan du skaffe deg generell kunnskap om sjukdom, symptom og behandling. Denne nettstaden er ei publikumsutgåve av Norsk Elektronisk Legehåndbok (NEL), og er den største helsenettstaden i Norge. Han inneheld over 3500 artiklar og over 1000 illustrasjonar, bilete og videoar.
Eit fagnettverk på sirka 200 personar og ein redaksjonskomité kvalitetssikrar innhaldet både i NEL og i NHI.no
www.NHI.no
SMIL - Skandinavisk Medisinsk Informasjon for Legfolk
SMIL er ein nettportal som inneheld ei samling kvalitetssikra nettstader med informasjon om sjukdommar, og korleis dei vert behandla. Portalen er eit nordisk samarbeidsprosjekt og alle nettsidene er tilgjengelege på norsk, svensk eller dansk.
SMIL er til for pasientar, pårørande og andre interesserte.
www.smil.uio.no
Rarelink
Rarelink.no er ein nordisk nettstad med ei samling av lenkjer til informasjonsmateriell om sjeldne tilstandar, og som har blitt publisert av ulike verksemder på oppdrag frå staten i Norge, Sverige og Danmark. Du kan òg finne lenkjer til organisasjonar for funksjonshemma i dei tre landa.
Rarelink vender seg til alle som søkjer informasjon, for eksempel personar med ein sjeldan diagnose, pårørande og fagpersonar som møter eller arbeider med personar med sjeldne tilstandar.
www.rarelink.no
Nettsøk på diagnosar
Finnkode er eit elektronisk søkjeverkty over den internasjonale statistiske klassifikasjonen av sjukdommar og nærskylde helseproblem som kallast ICD-10.
Søkjeverktyet er utvikla av Kompetansesenter for IT i helse- og sosialsektoren på oppdrag frå Sosial- og helsedirektoratet. ICD-10 er eit klassifikasjons- og diagnosesystem som Verdas helseorganisasjon - WHO - har gitt ut.
http://finnkode.kith.no