Volda distriktspsykiatriske senter (DPS) sengepost

Kontakt oss

Telefon: 70 05 86 60
Besøksadresse: Kløvertunvegen 1
Postadresse: Helse Sunnmøre HF, Volda sjukehus, Boks 113, 6101 Volda
E-post: vaksenpsykiatrisk.avdeling@helse-sunnmore.no

Personopplysingar må ikkje sendast via e-post.

Tilvising

Det skal nyttast ordinær søknad ved tilvising.

Til tilvisingsinformasjon

Ø-hjelp/krisetilbod

Vi kan gi tilbod om kriseseng etter nærare avtale for pasientar som tidlegare har vore innlagt i sengeposten.

Ved behov for akuttinnlegging i vaksenpsykiatrisk avdeling kan sjukehuset i Ålesund kontaktast.

Lokalisering

Sengeposten er lokalisert i sjukehusbygninga. Inngangen er på vestsida av bygget, rett inn frå parkeringsplassen. Du finn oss i 1. etasje.

Busstopp

Bussen stoppar like ved hovudinngangen til Volda sjukehus. 

Parkering

Parkeringa som er nærast poliklinikken finn du rett utanfor inngangen. Det er ingen parkeringsavgift.

Drosje/pasienttransport

Dersom du på grunn av helsa di ikkje kan nytte rutegåande transport til sjukehuset, kan du be om rekvisisjon til pasienttransport hos fastlegen eller behandlaren din. Du finn meir informasjon om dette på pasienttransport.no.

Til seksjonen

Vi handterar psykiske lidingar som til dømes:

• angstlidingar
  
• stemningslidingar
  
• psykosar
  
• personlegdomsforstyrringar
  
• posttraumatiske stresslidingar
  
• spiseforstyrringar
  
• rusproblem
  
• speleavhengigheit 
• krisereaksjonar
  
• tilpassingsforstyrringar    

Du kan finne meir generell informasjon om psykiske lidingar her:

Helsebiblioteket

Helsedirektoratet

Døgnavdelinga gir tverrfagleg behandlingstilbod til pasientar over 18 år med ulike psykiatriske lidingar.

Psykiatriske sjukepleiarar, sosionom, psykiatriske hjelpepleiarar, aktivitør, ergoterapeut, fysioterapeut, musikkterapeut, psykolog og psykiater er tilsett ved døgnavdelinga.

Opphaldstypar

• Døgnavdelinga gir tilbod om vurderings-/observasjonsopphald når pasient eller diagnose ikkje er kjent frå tidlegare.
  
• Andre typer opphald kan vere stabiliseringsopphald, medikamentvurdering-/nedtrapping, motivering-/ aktivitetsopphald og  rehabiliteringsopphald.
  
• Utgreiing skjer gjennom samtale, ved deltaking i individuelle- og fellesaktivitetar, og ved bruk av kartleggingsverktøy etter individuell vurdering.

Ulike typar behandling:

• miljøterapi
• samtalar
• ulike former for aktivitetstilbod individuelt og i gruppe
• turar
• tilbod om ECT (elektrosjokk-behandling) 
• vurdering av medikament

Dersom behov og ein finn det tenleg kan ein gi hjelp til vurdering av bustad, arbeid,evt. anna aktivitet, økonomi  og evt.andre støttetiltak.

Døgnavdelinga legg stor vekt på samarbeid med pasient, pårørande og kommunale instansar i samband med behandlinga.

I einskilde høve gir døgnavdelinga tilbod i etterkant av opphald, i form av heimebesøk eller aktivitetstilbod i institusjonen.

Du finn generell informasjon om utgreiing og behandling av psykiske lidingar på desse nettstadane:

www.helsebiblioteket.no

www.helsedirektoratet.no/psykiskhelse