Bryst- og endokrinkirurgisk poliklinikk - Ålesund

Telefonkontakt i tilknytning til mammografiprogrammet:

Mandag - fredag klokka 08.00 - 15.00, tlf. 70 10 57 01

Telefonkontakt i tilknytning til kirurg eller kreftsjukepleiar:

Mandag - fredag klokka 08.00 - 15.00, tlf. 70 10 57 00

Poliklinikken er stengt i helger og i høgtider.

Poliklinikken ligg i 2. etasje på nordsida av sjukehuset med same inngang som til hud- og barnepoliklinikken.

Betaling:

Ein kan betale med kort i røntgenekspedisjonen eller i bank/nettbank ved hjelp av giro ein får med etter konsultasjonen. Vil ein likevel nytte kontantar, er dette mogeleg i informasjonen i hovudvestibyla.

Litt om brystdiagnostisk senter - bryst- og endokrinkirurgisk poliklinikk:

Brystdiagnostisk senter i Ålesund vart opna våren 2002 som følge av det landsomfattande "Mammografiprogrammet" i regi av Kreftregisteret. Mammografiprogrammet gir tilbod om mammografi kvart andre år til alle kvinner i fylket  mellom 50 og 69 år. Det er ein screeningstasjon i Molde og ein i Ålesund, samt ein screeningbuss for dei med særskild lang reiseveg. Alle bileta vert dobbeltyda på brystdiagnostisk senter i Ålesund. Dei kvinnene i fylket vårt som har behov for etterundersøking, vert innkalla til brystdiagnostisk senter i Ålesund.

I tillegg til screeningaktiviteten kan alle på Sunnmøre med kul eller endringar i brystet, som er tilvist frå fastlegen, få time ved brystdiagnostisk senter for utgreiing med mammografi, undersøking av kirurg og eventuelt ultralyd og biopsi. Dette vert kalla for trippeldiagnostikk. Også dei som nyttar seg av privat mammografitilbod vert ved behov for vidare utgreiing, tilvist til brystdiagnostisk senter.

Brystdiagnostisk senter er ei eining der faggruppene innan røntgen, kirurgi og patologi arbeider tett og effektivt saman i eit godt kvalitetssikra opplegg. Dette medfører at dei som er tilviste dit kan, om naudsynt, få utført trippeldiagnostikk same dag.

Ein dag i veka er det tilbod om utgreiing/kontroll av pasientar med endokrinkirurgisk problematikk, til dømes i skjoldbruskkjertel, paraskjoldbruskkjertel eller binyrer.

• Brystkreft.
• Andre sjukdommar i bryst.
• Struma (sjukdommar i skjoldbruskkjertel/paraskjoldbruskkjertel).
• Enkelte tilstandar i binyrer som krev kirurgisk behandling.

Kirurgiske diagnosar er mange og omfattande. Ein vil finne god og nytting informasjon i pasienthandboka.

www.pasienthandboka.no

• Røntgen av bryst/mammografi.
• Ultralyd av bryst og skjoldbruskkjertel/biskjoldbruskkjertel.
• Vevs- og celleprøve (biopsi/cytologi/histologisk undersøking).

Kirurgiske undersøkingar er mange og omfattande. Ein vil finne god og nyttig informasjon i pasienthandboka.

www.pasienthandboka.no

• Tapping av væskeansamling/cyster.
• Drenering av pussansamling.
• Fjerning av små og lett tilgjengelege kular.

Kirurgiske behandlingar er mange og omfattande. Ein vil finne god og nyttig informasjon i pasienthandboka.

www.pasienthandboka.no

Samtalegrupper for brystkreftopererte

I samarbeid med bryst- og endokrinkirurgisk sengepost er det tilbod om samtalegrupper for dei som er operert for brystkreft. Ein sjukepleiar frå bryst- og endokrinkirurgisk sengepost, med vidareutdanning innan rettleiing, og ein kreftsjukepleiar frå ..