Vaksenteamet er ein del av felles seksjon for habilitering, som er lagt under barneavdelinga ved Ålesund sjukehus, Helse Sunnmøre HF.
Målgruppe
Habilitering er ein planlagt og tidsavgrensa prosess, der målet er å auke pasienten sine evne til å fungere mest mogleg sjølvstendig i kvardagslivet.
Habiliteringstenesta for vaksne bistår menneske med medfødde eller tidlig erverva funksjonshemning/langvarig sjukdom og kognitiv svikt som har behov for tverrfaglege habiliteringstenester på spesialistnivå.
Vaksenteamet kan og yte deltenester til andre diagnosegrupper som har behov for spesialisert habilitering.
Tenesta praktiserer overlappande planlegging i aldersgruppa 16-20 år. Vi arbeider for å sikre livsløpsperspektivet.
Våre arbeidsområde er:
- Utgreiing og behandling av den einskilde pasient
- Tiltaksutprøving av rammevilkår og tenestetilbod
- Tiltaksutvikling ute i kommunane
- Opplæring, rådgjeving, rettleiing og kompetanseheving for klientar, familie og fagpersonar i hjelpeapparatet
Vår arbeidsform
Vår arbeidsform er i hovudsak ambulant. Dette inneber at vi reiser ut til kommunane og yter tenester direkte til brukaren og nærpersonane, på dei arenaer det er formålstenleg.