Personalavdelinga skal arbeide for å utvikle ein effektiv organisasjon og eit tiltrekkjande arbeidsmiljø. Målet vårt er å drive eit systematisk forbetringsarbeid i samarbeid med avdelingane. På den måten vil vi m.a. lage manuelle og elektroniske system som syter for at saksbehandlinga vert rask og effektiv på alle personalområde.
Personalpolitikken er eit verkemiddel for å realisere helseføretaket sine mål, og skal til ei kvar tid vere forankra i strategiske mål og verdiar. Han er uttrykk for Helse Sunnmøre sitt prinsipielle syn på korleis organisasjonen forvaltar dei menneskelege ressursane sine, og han skal medverke til at avdelingane til ei kvar tid behandlar og utviklar personalet slik at føretaket kan nå måla sine.